DJAL’ KA LE
Agon Rexhepi është një aktivist për drejtësi sociale nga Kosova. Momentalisht, ai është duke studiuar sociologji në Fakultetin Filozofik të Universitetit të Prishtinës. Poashtu, është duke punuar në ojq-në “The Ideas Partnership”—një organizatë që punon me komunitetet Rom, Ashkali dhe Egjiptian. Agoni është mjaft i zëshëm për të drejtat e njeriut, sidomos për të drejtat e komunitetit LGBTIQ+. Ai është bashkëthemelues i queer kolektivit kulturor “Hyjneshat”. Muaj më parë ai publikoi librin e tij të parë me poezi. Ky libër përmban poezi të një dashurie të pamundur dhe të një revolte të nevojshme në shoqëri."
Pushkë kanë qit
e gjymysh kanë ba
veglën mes kambëve kur ia patën pa!
E ishin lut dajve mos me i ga
Mas do dite
ku n’spital s’ish kan ma
gzimi i shpis’ n’djep kish pas ra!
Me nji qebe e kishin mlu
MashAllah n’cilën ka shkru
Hala naj emër s’ia kishin vnu
gjymyshi vazhdojke, për ta t’u knu
Kerret ishin’ ranis
për me pa gzimin e shpis’
krejt akraballaku ish dalldis’
hazdret djalit, diçka me i çinis
Nji sy t’kaltërt me ia vnu
prej synit t’keq me e ru
N’djep te kryt, paret ia kishin ba pal’
se “mas 4 çikave, kish le djalë!”
